هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 قاموس الهرج الجداوي والمكاوي والمدني .....

اذهب الى الأسفل 
4 مشترك
كاتب الموضوعرسالة
قويه حتى في صمتي
المشرفة العامة
المشرفة العامة
قويه حتى في صمتي


انثى عدد الرسائل : 164
رقم العضوية : 15
المزاج : قاموس الهرج الجداوي والمكاوي والمدني ..... 710
تاريخ التسجيل : 04/06/2008

قاموس الهرج الجداوي والمكاوي والمدني ..... Empty
مُساهمةموضوع: قاموس الهرج الجداوي والمكاوي والمدني .....   قاموس الهرج الجداوي والمكاوي والمدني ..... I_icon_minitime11/6/2008, 17:08

قوام = بسرعة
حُقْ = علبه
بلكن = يمكن
أقيس = أظن
دحين = الآن ..
الديقيسي = غرفة في السطح
مصرفدة = مستعجلة
دولا أو دُولْ = هؤلاء أو هم
أمزع رقبتك = شتيمة وقت الزعل
داير مدار أو داير مايدور = حولين الشيء
دغري = على طول
امصع أدنك = يعني أجرها
مخمج = معفن
جغمه = تقريبا شفطه أو رشفه من الشراب
وي = للتعجب
عزل المدحديرة = النزلة
ناولني = أعطيني
ازهميلي = نادي لي
زنبيل = الكيس
منضره = نظاره
يواد = ياولد
الصمرقع = الجنان
مكارنه = معكرونه
اترينو = زي غصبنوا
وخرلو = ابتعد عنه
سجره = شجرة
اشبك = ماذا بك
سكر المحل = قفل
معلقه = ملعقة ؟
سيبوا = اتركوه
بسط المحل = فتح
أندر = اخرج
أفرشك فرش = أضربك ضرب
خوتني = طفشني جبلي الصداع
افتر = اهجد
علين = ألين أو إلى
زي الرصد = تقيل مرره
توايق = تطالع
عساك بالطافوح = سبه يعني عساك بالسم للي يأكل كثير
حزر فزر = يعني توقع
شطيطة = تصغير شطه
أترنو = عشان كده
كنترة = جزمة
طرحرح = مثلا أحد يقول جبت لي الطرحرح يعني جاني التعب أو القرف منك
غصبنو = ؟؟؟ عشان كده
محزقر = ضيق
قصرو = اختصار الشيء أو الزبدة
دحلسة = تملق وتقرب لأخذ شئ ما
قرينه = سبه يعني جنيه
ايشكلو = إيش هوا
عبالوا = إلى أن
أتعتع = أتحرك
قنله = تنوره
زي البرمان = بسرعه
شربيت = عصير
كُرته = فستان
ورمت و بقبقت = بعيد عنكم أتنفخت
أستكري تكسي = أستاجر تكسي
كندره = جزمه
مزبرقة = مزينة
محل.. بكسر الحاء = غرفة المعيشة
عازه = حاجه
الهجاج = الجنان
هوري = الكرسي الصغير
بطران = ما يحمد ربه
يبكشوا = يمزحوا
المبيت = غرفة في السطوح
يحقلو = يحق له
زهمني = ناداني
حلنّي أو استنيني = يعني موت ياحمار
تليك = مداس
لطشتوه = ضربتوا ...
مقرحف = ناشف زي لما تقول العيش زي وجهك مقرحف
صرمه = جزمه
اتلبخت = انشغلت أو أنزعج
طراحه = ليانه = فرشة = فراش
اتشعبط = أتسلق
متاقه = أخت مجاغه = واحد دمه ثقيل
إسمنّو = على الأقل
شبطة = لصقة
في قلب العدو = تقال عند ذكر أمر سيء
بوز = فم
خِف = أستعجل
السنطران = السنترال
دلكي النحاس = غسلي الصحون
أهبط = اقعد عاقل
اتاري = لها معنيين الأول كمبيوتر والتاني لما يقولك آآآآآه اتاري الهرجه كداااااا
حُق المناديل = علبة المناديل
أهجد = اقعد عاقل
الدويان = الأدوية
بحلقت = فتحت عيني بقوة
باينلو = باين عليه
والله عال = عجيب
خمشتوا = قرصتوا _لميتوا
زي عبرة الكوك = زي الملوينا طالع نازل
تكرونيه بيضه = لمن البزره تقعد تكلج في الهرجه يقولولها تكرونيه بيضه
صُكّر = سكر
قر = اهجد
كونديشن = مكيف
فارقي = انقلعي_ روحي
كدش = الشعر الكثيف المخربط
مخدة = وساده
أقيد الرقم = اسجله
ما بلعتو من زور = ما عجبني
جلاله = سجادة
الحمبتري = بنت عم طرحرح يعني الحمه
اتقيت = لقيت
استاته = الأخت الكبرى
رجه = صقعه
بكرج = براد الحليب
سيدى = الأخ الأكبر
غيرت حجر الساعة = يعني غيرت بطارية الساعة
متصربع = مستعجل
مرعته (بتشديد الراء) = يعني زادت أمه في دلعه الطفل لمن حاله يزيد أمه سقرقه=أشربي
ما صفطناكم = ما شبعنا منكم
الصحية = المستشفى
زي الملوينه = سريع مره - حركته كثيرة
ليانه = طراحه = فراش
أتلحف = أتغطى بالبطانية
يستغر = يعتمد
كراويته = زي البطرمبة من خشب و مرتفعة
أديلو علقه = افرشوا = عاقبه
داعتو = أشوى أو أحسن
مجلس بكسر الجيم = صالون
اهبدك الين أجدد إيمانك = تهديد
بمبه قاروري = اللون الفوشي
برمان = دوران
الدقديق = بطانيه
صيباط = زي بعض
المركب = المطبخ
بيتالما = بيت الراحة = الحمام
اصنصير = مصعد
,,,,,,,,,,,,,,,,,,,,,,,,,,,,,

أشكل

جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت .....

أطبعوا

ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعو بلاهه وربي
بلاهه

أل

انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات ما رح
يفهمها الا اهل الحجاز بصراحه لانها تتنطق بطريقة مميزه
=== > تموت في الطرق المميزه

إنبراش

نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط
الكلام يعني انه تكون انته والشلة بتهرجوا في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه

بسط وهز وسط

تخيلو الفيلم الهندي دا كولو عشان تجاوب على احد يقولك كيف حالك؟

بلف

:ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة هههههههههاي ولمن يكونو اتنين بيتضاربو
ويجي واحد يحرش ..
ولا لما يكون واحد يجري بالكورة ولساعو بعيد عن المرمى ويجي واحد

يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص


تشبيك
: ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني ولا
تكلمني وزي كدا

تغريز

كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها ههههههههههه او تقول فلانه غرزت عندي يعني وقعت في
دباديبي ايش بالله الكلام الفاضي دا نجيبلك ونش
احسنلك
هههههههههههههههههههاي

جنط

: الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى
أشكل

دافور

: دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عثة كتب

دعس

: دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولولو ادعس

زي الكرتوووون

تنقال للواحد الأهبل


شاكوش

: معناها الاصلي طبعا المطرقة لكن دحين صار معناها البنت ولا الولد
اللي مو حلو هههههههاي نقول عنه شاكوش

شباب في رحلة

: وهيا مرادف لكلمة مشى حالك اللي أستخدمتها كتير في كلامي فلمن
تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي

شوربة

: طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن
هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة

صاروخ

: هههههههاي طبعا نعرف الصواريخ لكن هنا معناها شي ثاني معناها

البنت الحلوة فلمن الاولاد يشوفو بنت حلوة يقولو عنها صاروخ

طقطقة

: ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو لو
جا فلان نطقطق عليه ولا تلاقي واحد يجي يقول امس طقطنا على راس فلان
وزي كده

في الألف وفي المليون

دي حلوه مره وهيا لمن تشوف شي يعجبك ويكون مميز مافي زي يعني او
تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون

ما عندك احد :
هههاي كلمه فله ولمن مايكون عندك هرجه
وتنقال للشي اللي مو تمام


نمرة واستمارة

: ودي تنقال عند التأكيد وغالبا في الغباء والهباله زي مثلا تقول
فلان أهبل بنمرة واستمارة

كاي

: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف

هبقة

: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة فهنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
يا عمي هبقة

يعطيك

: دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي متلا
يكون سجل قول ولا شي زي كده

أرنب .. ركبتي ..

من الكلمات الي تدل اني انا بسمه بكشه قدامي ..
فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ارانب

يلعن ام الفله ..
وهادي من الكلمات الي ماسكه في لساني ...
لمن يكونو في شباب وعجبتهم مره الطلعه ولا في اولا يبسطو الواحد
يطلعو يقومو يقولو على الطلعه متلا يلعن ام الفله ..

امووو

يعني مسلا مين فين لأمو حلو ..
يابن الناس سيب امو في حالها هيا اشلها صلاح ..
فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..

فوكها ..

هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها
...

قويه ..

لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء

خريييش..

دي الكلمة لمن تكون جالس بين الشباب ويجيك واحد
يجلس يكدب ويلفق في الحكاية ويملح فيهاتقوم تقول خريييييش

كووووووول ..
وتنقال على أي شي يعجبهم ..
وهادي حكتر منها ..

جييييييد ..
بشد الياء .. لمن يعجبك الشي كول جيييييييد ..

بااااااااد ....
لمن تشوف امر مو حلو ولا ولد سيء منظرو يقولو عليه باد .
بمد الالف ..

هيااا خير كلمتي المعتادة
لما يسير شي مفاجيء ولا يكون في حاجة غريبة كدا ولا باسوي نفسي
مستغرب ولا باستهبل اني مش مستوبع فعلى طول
هيااااا
خيييييييييييييير

كل فطير وطير

يعني يللا روح سري راحت عليك خلاص

انشكاح ..

ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح

لاتدف

كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف

زرقنه ..

خخخخخخخخخخخخخخ كلمه جييييييييييييييده ..
واحد مخو ونافوخو ناشفه زي خخخخخ كده وتقعد تقولو وتشرحلو وتترجى ..
وهوى موصر كده يعني كده يعني مزرقن بقوه

قردنه ..

هادي غالبا ماتنقال على الناس الي مزرقنين ..
متلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي

اصرفها.. اخرشها
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها

ولا سويت مصيبة وتبغا تلف الموضوع فتبدا تفكر كيف تخرشها ولا تصرفها
نص كوم
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..
لكن لاتقعد تدحلس عندي وتعمل حركات نص كوم Razz flower Razz
الرجوع الى أعلى الصفحة اذهب الى الأسفل
مخاوي الليل
مؤسس منتديات ضناني الشوق
مؤسس منتديات ضناني الشوق
مخاوي الليل


ذكر عدد الرسائل : 314
العمر : 38
العمل : وزير متقاعد
المنطقة : تاج القصيم بريدة
رقم العضوية : 1
البلد : قاموس الهرج الجداوي والمكاوي والمدني ..... Sa10
المزاج : قاموس الهرج الجداوي والمكاوي والمدني ..... 1210
الأوسمة : قاموس الهرج الجداوي والمكاوي والمدني ..... Empty
تاريخ التسجيل : 27/05/2008

قاموس الهرج الجداوي والمكاوي والمدني ..... Empty
مُساهمةموضوع: رد: قاموس الهرج الجداوي والمكاوي والمدني .....   قاموس الهرج الجداوي والمكاوي والمدني ..... I_icon_minitime11/6/2008, 23:59

الله يعطيك العافيه ياقويه على هذا القاموس

تقبلي مروري

الرجوع الى أعلى الصفحة اذهب الى الأسفل
https://dhnani.yoo7.com
أسير دمعه
مراقب عام
مراقب عام
أسير دمعه


ذكر عدد الرسائل : 135
العمل : طالب
المنطقة : بلاد الراوائع البدائع
رقم العضوية : 9
المزاج : قاموس الهرج الجداوي والمكاوي والمدني ..... 1210
تاريخ التسجيل : 30/05/2008

قاموس الهرج الجداوي والمكاوي والمدني ..... Empty
مُساهمةموضوع: رد: قاموس الهرج الجداوي والمكاوي والمدني .....   قاموس الهرج الجداوي والمكاوي والمدني ..... I_icon_minitime14/6/2008, 10:01

ههههههههههههههههههههههههه

والله ياعليهم كلام

يعطيك العافيه قوية
الرجوع الى أعلى الصفحة اذهب الى الأسفل
http://WWW.ALRA7EL.COM
عًٍسًٍوًٍلًٍ
عضو جديد
عضو جديد
عًٍسًٍوًٍلًٍ


ذكر عدد الرسائل : 23
العمر : 37
العمل : موظف
المنطقة : الرياض
رقم العضوية : 7
البلد : قاموس الهرج الجداوي والمكاوي والمدني ..... Sa10
المزاج : قاموس الهرج الجداوي والمكاوي والمدني ..... 511
تاريخ التسجيل : 28/05/2008

قاموس الهرج الجداوي والمكاوي والمدني ..... Empty
مُساهمةموضوع: رد: قاموس الهرج الجداوي والمكاوي والمدني .....   قاموس الهرج الجداوي والمكاوي والمدني ..... I_icon_minitime19/6/2008, 07:39

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يعطيك العافيه
يبي لي سنه عشان احفظه

تقبلي مروري
الرجوع الى أعلى الصفحة اذهب الى الأسفل
http://zeen1.com/
 
قاموس الهرج الجداوي والمكاوي والمدني .....
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ۩۞۩ المنتديات الجادة ۩۞۩ :: المنتدى العام-
انتقل الى: